सत्यशोधक लिंगे कुटुंब सांत्वन भेट आणि त्या मधुनच अनपेक्षित असा वारीचा योग

सत्यशोधक लिंगे कुटुंब सांत्वन भेट आणि त्या मधुनच अनपेक्षित असा वारीचा योग

सत्यशोधक चळवळीचे आमचे प्रणेते उद्योजक माननीय शंकरराव लिंगे यांच्या ज्येष्ठ कन्या सौ डॉक्टर जयश्री प्रशांत गवळी यांचे दहा दिवसापूर्वी अनपेक्षित असे कधी मनात देखील आले नाही अशी घटना घडेल त्यांचे निसर्गविलीन झालं त्यामुळेच आम्हाला सत्यशोधकांना धक्काच बसला
संत महापुरुषांची विचारधारा असलेली त्यातून सर्व गुण संपन्न अशी ही आमची बहिण हिला अनपेक्षित कारणामुळे सर्वांना सोडून जावे लागले त्यांच्या जाण्याने त्यांची असलेली तीन चिमुकली बालके तसेच माता , पिता , भाऊ संपुर्ण लिंगे उद्योग समूह , लिंगे यांचे असलेले 5 कुटुंब यांना जयश्रीताईच्या अचानक जाण्याने प्रचंड असा सर्वांनाच धक्का बसला आहे या धक्क्याला या सर्वच कुटुंबातील व्यक्तींना सामोरे जावं लागत आहे
अशा वेळी या कुटुंबाला सहानुभूतीची गरज असते आप्तेष्टसह सर्वांनी भेट घेणे गरजेचे असते
आम्हाला समजल्यानंतर आम्ही भेटीसाठी निघालो होतो परंतु एक महिन्यापूर्वीच सत्यशोधक विधी करण्याकरता मी भीमराव कोथिंबीरे व रेवन घोडके जात असताना आमचा रस्त्यातच अक्सिडेंट झाल्याने आम्हाला आमची तब्येत सारखी कमी जास्त होत होती त्यामुळे आम्हाला या कुटुंबाला भेटण्यास वेळ लागला परंतु आम्ही ज्या कार्यक्रमास जात होतो त्या कार्यक्रमासाठी लिंगे आण्णा प्रमुख पाव्हणे म्हणून उपस्थित होते त्यांना कार्यक्रमाच्या ठिकाणी जेव्हा समजले की आमचा अक्सिडेंट झाला आहे तेव्हा आण्णा कार्यक्रम संपन्न झाल्यानंतर ताबडतोब आम्हाला पाहावयास अहमदनगर येथे हास्पिटलला पोहचले ते पण कोठे ही पाणी न पिता

आम्ही 13 तारखेला ठरवलं की कुठल्याही परिस्थितीत आपण जायचंच आणि आण्णांची मावशीची लिंगे परिवार तसेच गवळी कुटुंबाची भेट घ्यायची माझा मुलगा विक्रम कोथिंबीरे यास अहमदनगर येथून बोलावून घेतले आणि आम्ही 13 जुन 2024 रोजी सकाळी 11 वाजता निघालो प्रवास करत असताना पंढरपूरला दरवर्षी जात असलेल्या वारीच्या गर्दीने रस्ते अगदी तुडुंब भरलेले होते त्यातूनच मार्ग काढत आमच्या वाहनाचा प्रवास सुरू होता त्या मधुनच टेंभुर्णी जवळच रस्ताच वाहनांनी बंद पडला त्यावरती आम्ही मॅप वरती दुसरा मार्ग टाकून पाहिलं दुसऱ्या मार्गाने निघालो असता खुपच कच्च्या रस्त्याने जात असताना त्या रस्त्यानेही वारीचे वारकरी त्यांचे वाहन ट्रॅक्टर त्यातूनच सिंगल मार्ग होता त्याच रस्त्याने मार्गस्थ होत असलेली सावता माळी दिंडी त्यांचे चालक यांनी दिलेला मॅप आम्ही तो टाकलेला होता त्या मॅपने आम्हाला चकवा दिला त्यानंतर आम्ही शेवटी पुढील प्रवासासाठी मेनरोड शोधुन पुन्हा पुढे मार्गस्थ झालो
पंढरपूरच्या दिशेने कोणताही साधा असो अथवा मोठा असो कुठलेही रस्ते हे भरभरून वारीचा वारकरी लाडक्या पांडुरंगाला भेटायला जात असताना पाहावयास मिळत होता आणि त्यामधुनच आम्ही कसातरी रस्ता काढत पुढे निघत होतो एवढी गर्दी होती रस्त्यावरून जात असताना आम्हाला अरण हे गाव लागले ते संत सावता महाराज यांचे गाव तेव्हा सावता महाराजांना अभिवादन करण्यासाठी आम्ही थांबलो त्यांना अभिवादन करून पुढे लिंगे कुटुंब यांची भेट घेण्यासाठी त्यांच्या सोलापूर येथील निवासस्थानी 4/30 पोहोचलो त्यांच्या घरी पोहचलो तेव्हा मात्र या कुटुंबावर हा आघात फारच भयानक अशा प्रकारे जाणवत होता त्यामधुनच मावशी आणि आण्णा हे पूर्णपणे खचलेले आहेत असंच जाणवत होतं त्याची मुलेही आपल्या बहिणीच्या उनिव कमतरता यावरून हवालदिल होऊन गेलेले दिसत होते
आण्णा आज मोठे उद्योजक आहेत परंतु प्रेमळ आपुलकी आपले पणा त्यांच्या जवळ भरपुर आहे असे हे व्यक्तीमत्व आपल्या कन्येच्या अचानक जाण्यामुळे हतबल झालेले निदर्शनास येत होते

त्यांची भेट घेऊन आम्ही 6 वाजता परतीचा प्रवास सुरू केला त्या रस्त्यावरही वारी दिंड्या कमी नव्हत्या आपणही अशा काळात आलोच आहोत तर वारकऱ्यांसमवेत पंढरपूरला भेट द्यावी म्हणून आम्ही पंढरपूरकडे मार्गस्थ झालो आणि सायंकाळी सात वाजता पंढरपूर या ठिकाणी पोहोचलो गोपाळपूर येथील पनवेल कोकणस्थ भक्तनिवास संस्थान या ठिकाणी उतरलो त्या ठिकाणी दादा महाराज पनवेलकर यांचे रुम मध्येच थांबण्याचा योग आला महाराज यांचे बरोबर आम्ही रात्री उशिरापर्यंत चळवळी विषय चर्चा झाली आणि सकाळी उठून विठ्ठलाचे निस्सिम भक्त संत नामदेव महाराज व संत चोखा महाराज यांच्या चरण समाधीला अभिवादन करून पंढरपुरातून परतीचा मार्ग धरला येताना श्रीगोंदा येथील श्री संत महम्मद बाबा आणि महात्मा फुले समता भूमीहून संविधान दिंडी रस्त्यानेच असल्याने त्यांची भेट घ्यायचं ठरवलं परंतु अथांग अशा वारी वारकऱ्यांच्या सागर लाटेपुढे आम्हाला हाताश व्हावं लागलं आणि वाहतूक नियंत्रणनेने रस्ते बदलून दिलेले असल्याने त्या परतीच्या मार्गाने निघावं लागलं परत येत असताना पंढरपूर वारीच्या दिंड्या भेटत होत्या आम्हीही त्यांना भेटून अभिवादन करत होतो वेळापूर या ठिकाणी माऊलींच्या विसाव्याच्या ठिकाणी आम्हाला एक दिंडी दिसली आम्हाला त्या ठिकाणी थांबण्याचा मोह झाला आम्ही खाली उतरलो पाहतो तर श्रीगोंदा तालुक्यातील हंगेवाडी येथील दिंडी आम्हाला भेटली आणि त्या दिंडीमध्ये सामील झालो त्या दिंडीतील बहुतेक पाहुणे मित्रमंडळी ओळखीचे होते त्यांचा कार्यक्रम पुढे मार्गस्थ होण्याचा सुरू झाला होता आम्ही जाताच त्यांनाही वेगळाच आनंद हर्ष जाणवत होता आम्ही त्यांना भेटलो तसेच पालखीला अभिवादन केलं आणि आमच्यातील माझी सौभाग्यवती सुनिता कोथिंबीरे व माझी भाची सुनीता दरवडे यांना सावित्रीबाई फुले यांच्या कार्यावरती असलेले काव्य म्हणण्याचा मोह झाला मी दिंडी चालकास विनंती केली आणि त्या ठिकाणी या दोघींनी दोन गीते सुंदर म्हंटली दिंडीतील महिलावर्ग त्यांना पूर्णपणे साथ करत होता आणि ते नयनरम्य दृश्य विलोभनीय असं वातावरण तयार झालं आणि सर्व हरकून गेले पुढे मार्गस्थ होण्यासाठी पालखी निघाली आणि आम्ही जड अंतकरणाने परतीच्या प्रवासाला तिथे असलेल्या विठ्ठलमय वारकऱ्यांना भेटून मोठ्या अशा विठ्ठलाच्या मूर्तीला अभिवादन करून आम्ही आमच्या गाडीत बसलो पुढे

संविधान दिंडीला भेट द्यायला निघालो परंतु प्रशासनाकडून वाहनांकरिता रस्ते बंद करण्यात आले होते आम्ही हाताश होऊन जड अंतकरणाने परतीचा प्रवास सुरू केला पुढे इंदापूर या ठिकाणी इंदापूर अकलूज बायपास उड्डाणपुलावरच्या नावाने आम्हाला भुरळ घातली त्या उड्डाणपूलावरती श्री मालोजी राजे भोसले असे मोठ्या अक्षरात असल्याने त्या ठिकाणी थोडा वेळ थांबलो आणि पुन्हा पुढील प्रवासाला निघालो खरोखर आयुष्यातून एकदा तरी परिवर्तनवादी वारीतून पंढरपूरला जावे आणि वारीचा समतेचा आणि निपक्षपातीपणा याचा अनुभव घ्यावा यावर्षीच आम्ही संविधान दिंडीत वारीला जाणार होतो परंतु आमचा अक्सिडेंट झाल्यामुळे ते शक्य झाले नाही परंतु पुढील वर्षी निश्चित परिवर्तनवादी संविधान दिंडी मधुन वारीला जाणार हे ठरवूनच आमचे सत्यशोधक चळवळीचे सहकारी रेवन आप्पा घोडके आणि आम्ही सर्वजण आमच्या घरी पोहचलो बरोबर पाऊस घेऊनच
विक्रम कोथिंबीरे
भीमराव कोथिंबीरे
रेवणआप्पा घोडके
सुनीता कोथिंबीरे
सुनीता दरवडे

भीमराव कोथिंबीरे
9421690800