ओबीसींच्या लेकरांचा, हिरावला जातो घास

*ओबीसींच्या लेकरांचा, हिरावला जातो घास*

*आधी केली पाटीलकी, पैशाची केली उधळण*
*सरत आल्या जमिनी, आता मागते आरक्षण*
*आंदोलनाच्या नावाखाली, टाकला आहे फास*
*ओबीसींच्या लेकरांचा, हिरावला जातो घास…*

*आधी म्हणे आम्हीच उच्च, इतर सारे गौण*
*आता कसे लालसेने, सांगा सुटले यांचे मौन!*
*वेळोवेळी सांगत आले, आम्ही आहोत खास*
*ओबीसींच्या लेकरांचा, हिरावला जातो घास…*

*ओबीसींचे सुख यांच्या, डोळ्यांत आता सलते*
*मुजोर होऊन बघा कसे, बोलून राहीले भलते*
*सरसकट आरक्षणाची, उरात ठेवली आस*
*ओबीसींच्या लेकरांचा, हिरावला जातो घास…*

*ओबीसीच्या नेत्यांवर, यांनी ओढला आसूड*
*इतर नेत्यांसोबत यांची, सुरू झाली लुडबूड*
*मुख्यमंत्री यांचेच झाले, तरी नाही विश्वास*
*ओबीसींच्या लेकरांचा, हिरावला जातो घास…*

*मीडियावर यांचेच चित्र, आम्ही यापासून दूर*
*अन् आमचे बांधव आहेत, आपल्यातच चूर*
*उद्या मात्र होईल आमच्या, आयुष्याचा ऱ्हास*
*ओबीसींच्या लेकरांचा, हिरावला जातो घास…*

*आता मात्र लढावं लागेल, रस्त्यांवरती येऊन*
*निषेध करा प्रत्येकांनी, आता निवेदने देऊन*
*आरक्षण वाचविण्याची, धरा प्रत्येकांनी कास*
*ओबीसींच्या लेकरांचा, हिरावला जातो घास…*

*आम्ही सर्व ओबीसी*
*महाराष्ट्र राज्य*