माझी उपमुख्यमंत्री छगनरावजी भुजबळ साहेब यांनी भिडेवाडा येथे सुरू असलेल्या स्मारकाच्या आणि फुलेवाडा येथील स्मारकाच्या विस्तारीकरण कामाचा आढावा घेतला.

पुणे दौऱ्यावर असताना आज भिडेवाडा येथे सुरू असलेल्या स्मारकाच्या आणि फुलेवाडा येथील स्मारकाच्या विस्तारीकरण कामाचा आढावा घेतला.

यावेळी उपस्थित पदाधिकारी व फुलेप्रेमी नागरिकांशी बोलताना भिडे वाडा येथे महात्मा फुले आणि सावित्रीबाई फुले यांनी पहिली मुलींची शाळा सुरू केली. या ठिकाणी स्मारक होण्यासाठी अनेक वर्ष गेली. मात्र मोठा संघर्ष उभा करून आम्ही ही लढाई जिंकली आणि त्या ठिकाणी आता स्मारक उभे राहत आहे, याबद्दल समाधान व्यक्त केले. तसेच क्रांतिसूर्य महात्मा फुले आणि क्रांतीज्योती सावित्रीबाई फुले यांच्या स्मारकाच्या कामात कुठेही अडचणी येऊ देणार नाही आणि अडचणी आल्याच तर मी स्वतः त्याचा पाठपुरावा करेन, अशी ग्वाही दिली.

फुले वाड्याचा देखील आपण विस्तार करत आहोत. महात्मा फुले राहत असलेला वाडा आणि सावित्रीबाईंचे तयार केलेले स्मारक एकत्र करून त्या ठिकाणी आपण भव्य स्मारक तयार करणार आहोत. यासाठी तिथे असलेले काही रहिवाशी आणि भाडेकरू यांच्याशी चर्चा करून हा प्रश्न लवकरच मार्गी लावणार आहोत. या ठिकाणी ५१६ मालक व २०० भाडेकरू असल्याची माहिती आहे. मात्र त्यांचे योग्य ते पुनर्वसन करूनच हा प्रश्न मार्गी लावणार आहोत. विस्तारीकरणासाठी सरकारने दोन दिवसापूर्वीच निधी जाहीर केला आहे. या कामाला गती मिळाली असून या कामाचा देखील सतत पाठपुरावा करतच राहू, असा विश्वास व्यक्त केला.

यावेळी स्थानिक नागरिकांशी संवाद साधताना, स्थानिकांचा पुनर्वसनाचा प्रश्न सोडवून आपण विस्तारीकरण करणार आहोत. महापालिकेच्या वतीने स्थानिकांसाठी अनेक पर्याय उपलब्ध करून देण्यात येत आहेत. त्यामुळे महापालिकेचे अधिकारी आणि स्थानिक आमदार हेमंत रासने हे लवकरच सर्वांशी चर्चा करून यामध्ये तोडगा काढतील, असा विश्वास देखील व्यक्त केला.

यावेळी दोन्ही कामे विहित वेळेत पूर्ण करावेत, अशा सूचना संबंधित अधिकाऱ्यांना दिल्या.

यावेळी आमदार हेमंत रासने, महापालिका आयुक्त राजेंद्र भोसले, उपायुक्त महेश पाटील, शहर अभियंता प्रशांत वाघमारे, मुख्य अभियंता युवराज देशमुख त्याचप्रमाणे समता परिषदेचे अविनाश चौरे, प्रितेश गवळी, सागर दरवडे, सपना माळी यांच्यासह अधिकारी व पदाधिकारी उपस्थित होते.

दिनबंधू न्यूज शिवक्रांती टीवी च्या आजच्या सर्व बातम्या व्हिडिओ फोटो एका क्लिकवर मिळवा
दिन बंधू न्यूज शिवक्रांती टीव्ही संपादक सत्यशोधक शंकरराव लिंगे 73 87 37 78 01 हा नंबर आपल्या व्हाट्सअप ग्रुप मध्ये ऍड करा व्हिडिओ बातमी लाईक करा शेअर करा सबस्क्राईब करा फॉरवर्ड करा कॉमेंट करा आयकॉन बेल दाबा आपल्याकडील व्हिडिओ फोटो बातमी पाठवा वाढदिवस एक हजार रुपये जाहिरात 500 बाय 500 मेगापिक्सल एक दिवस शंभर रुपये सपालाती चादर आहे २० लख वाचकांचे नेटवर्क आहे जगातील सर्वाना बातमी पाहता येते
#pune #bhidewada #mahatmajotibaphule #savitribaiphule #girlsschool #education