🔥 OBC हक्कांसाठी चिखलीत आक्रमक नेतृत्वाची एंट्री; विठ्ठल क्षीरसागर यांची तालुका उपाध्यक्षपदी निवड – गावोगावी जातनिहाय जनगणना, OBC न्याय आणि संविधानिक हक्कांसाठी उभारणार जनआंदोलन! 🔥

0 567 2 minutes read

चिखली (बुलढाणा) : अखिल भारतीय माळी महासंघाने मा. विठ्ठल शंकरराव क्षीरसागर (मु.पो. टाकर खेड हेलगा, ता. चिखली, जि. बुलढाणा) यांची चिखली तालुका उपाध्यक्ष या महत्त्वपूर्ण पदावर नियुक्ती केली आहे. सामाजिक कार्याची आवड, OBC समाजाविषयीची तळमळ आणि संविधानिक हक्कांसाठी सातत्याने लढण्याची भूमिका लक्षात घेऊन ही निवड करण्यात आल्याने चिखली तालुक्यात आनंदाचे वातावरण निर्माण झाले आहे.

निवडीनंतर बोलताना विठ्ठल क्षीरसागर यांनी स्पष्ट केले की, तालुकाभर जनजागृती अभियान राबवून OBC समाजावरील अन्याय-अत्याचार, शेतकरी, महिला, विद्यार्थी, कामगार आणि वंचित घटकांचे प्रश्न गावोगावी पोहोचवले जातील. राष्ट्रीय सत्यशोधक OBC फेडरेशनच्या निवेदनातील सर्व मागण्या नागरिकांना समजावून सांगून त्यांचे महत्त्व पटवून दिले जाईल.

त्यांनी सांगितले की, १० ऑगस्टपासून विशेष जनसंपर्क अभियान सुरू होणार असून १५ ऑगस्टच्या ग्रामसभांमध्ये प्रत्येक ग्रामपंचायतीत “जातनिहाय जनगणना झालीच पाहिजे” असा ठराव मंजूर करण्यासाठी प्रयत्न केले जातील. हे ठराव राज्य व केंद्र सरकारकडे पाठवले जातील. तसेच लवकरच तहसीलदारांमार्फत मुख्यमंत्री यांना व्यापक निवेदन सादर करण्यात येणार आहे.

निवेदनातील प्रमुख मागण्या

जातनिहाय जनगणना तातडीने करावी व OBC आरक्षणाचे संरक्षण करावे.

विविध न्यायमूर्ती समित्यांच्या शिफारशींचा पुनर्विचार करून अन्यायकारक निर्णय रद्द करावेत.

कुणबी–मराठा संदर्भातील शासन निर्णयाचा फेरविचार करून अन्यायकारक निर्णय मागे घ्यावेत.

हेरिटेज/रेकॉर्डच्या आधारे दिलेले कुणबी प्रमाणपत्र रद्द करावे.

OBC महामंडळांना लोकसंख्येच्या प्रमाणात निधी द्यावा.

महाज्योती संस्थेला पुरेसा निधी, जागा व सुविधा उपलब्ध कराव्यात.

OBC विद्यार्थ्यांच्या शिष्यवृत्ती, फेलोशिप व इतर योजनांचा निधी वेळेवर वितरित करावा.

परीक्षा रद्द किंवा विलंबामुळे विद्यार्थ्यांचे नुकसान भरून काढावे.

शेतकऱ्यांना उत्पादन खर्चावर किमान ५०% नफा धरून हमीभाव द्यावा.

बियाणे, खते व शेतीसाठी आवश्यक बाबींवर विशेष सवलती द्याव्यात.

शेतकऱ्यांना बिनव्याजी कर्ज उपलब्ध करावे.

अग्निवीर योजना रद्द करून नियमित सैन्यभरती सुरू करावी.

जुनी पेन्शन योजना लागू करावी.

सुशिक्षित बेरोजगारांना किमान ₹१०,००० बेरोजगारी भत्ता द्यावा.

KG ते PG पर्यंत मोफत शिक्षण द्यावे.

सर्व नागरिकांना मोफत आरोग्य सुविधा उपलब्ध करून द्याव्यात.

विठ्ठल क्षीरसागर यांनी सांगितले की, या सर्व मागण्यांसाठी तालुक्यात मोठी लोकचळवळ उभारली जाईल आणि OBC समाजाच्या संविधानिक अधिकारांसाठी संघर्ष अधिक तीव्र केला जाईल.

ही नियुक्ती मा. विजय राजाभाऊ खरात (जिल्हाध्यक्ष घाटावरील), मा. राजेश द. मेहेत्रे (प्रदेश कार्यकारिणी सदस्य), मा. गजाननजी खंडारे (जिल्हा उपाध्यक्ष), मा. जनार्दन सपकाळ (चिखली तालुकाध्यक्ष), मा. रामभाऊ किसन अवचार (तालुका अध्यक्ष किसान आघाडी), मा. सौ. गिताताई बांडे (तालुकाध्यक्षा महिला आघाडी) आणि मा. रामेश्वर जावळे (जिल्हा उपाध्यक्ष) यांच्या आदेशानुसार करण्यात आली.

निवडीबद्दल राष्ट्रीय अध्यक्ष मा. शंकरराव लिंगे, राष्ट्रीय कार्याध्यक्ष मा. रमेशभाऊ हिरळकार, प्रदेशाध्यक्ष मा. गौतमजी क्षीरसागर यांच्यासह संघटनेच्या सर्व पदाधिकाऱ्यांनी विठ्ठल क्षीरसागर यांचे अभिनंदन करून पुढील सामाजिक व संघटनात्मक कार्यासाठी शुभेच्छा दिल्या.

🖋️ संपादकीय संदेश

चिखली तालुक्याला सामाजिक न्याय, संविधानिक हक्क आणि OBC जनजागृतीसाठी झटणारे नेतृत्व मिळाले आहे. संघर्ष, संघटन आणि जनआंदोलनाच्या माध्यमातून समाजहिताचे प्रश्न शासनापर्यंत पोहोचविण्याची ही संधी आहे. लोकशाहीत जनतेचा आवाज संघटितपणे बुलंद होणे हीच खरी ताकद आहे.

📰 दिनबंधू न्यूज | शिवक्रांती टीव्ही
संपादक : सत्यशोधक शंकरराव लिंगे
📱 संपर्क / WhatsApp : 73 87 37 78 01

#दिनबंधून्यूज #ShivkrantiTV #OBC #जातनिहायजनगणना #विठ्ठलक्षीरसागर #माळीमहासंघ #चिखली #बुलढाणा #SocialJustice #Constitution #Farmers #Students #Women #Workers #OBCRights #ShankarraoLinge

HTML img Tag