🚨 ओबीसी आरक्षणावर घुसखोरीचा आरोप; मुख्यमंत्री फडणवीस यांच्यासह ओबीसी मंत्री गटाला अखिल भारतीय माळी महासंघाचे आक्रमक निवेदन 🚨
🚨 ओबीसी आरक्षणावर घुसखोरीचा आरोप; मुख्यमंत्री फडणवीस यांच्यासह ओबीसी मंत्री गटाला अखिल भारतीय माळी महासंघाचे आक्रमक निवेदन 🚨
मुंबई | दिनबंधू न्यूज / शिवक्रांती टीव्ही
अखिल भारतीय माळी महासंघाचे राष्ट्रीय अध्यक्ष सत्यशोधक शंकरराव लिंगे यांनी मुख्यमंत्री देवेंद्रजी फडणवीस यांच्यासह राज्यातील ओबीसी मंत्री गट उपसमितीच्या सर्व सदस्यांना सविस्तर निवेदन सादर करून ओबीसी आरक्षणाच्या संरक्षणासाठी तात्काळ कारवाईची मागणी केली आहे.
या निवेदनामध्ये “कुणबी मराठा – मराठा कुणबी” संदर्भातील 2004 चा शासन निर्णय रद्द करणे, जस्टीस शुक्रे समिती, जस्टीस शिंदे समिती व जस्टीस भोसले समिती आणि त्यांच्या शिफारशी रद्द करणे, तसेच ओबीसी आरक्षणावरील कथित घुसखोरी थांबविणे या प्रमुख मागण्या करण्यात आल्या आहेत.
🔥 बावनकुळे साहेबांनी अधिकाऱ्यांना तात्काळ सूचना
मिळालेल्या माहितीनुसार, चंद्रशेखर बावनकुळे यांनी निवेदनातील सर्व मुद्दे गांभीर्याने वाचून संबंधित अधिकाऱ्यांना तात्काळ बैठक घेऊन आवश्यक कार्यवाहीबाबत सूचना दिल्या आहेत.
तसेच ओबीसी मंत्री गट उपसमितीचे सदस्य छगनरावजी भुजबळ, अतुलजी सावे, दत्तामामा भरणे, संजय राठोड, गणेश नाईक, गुलाबराव पाटील आणि पंकजाताई मुंडे यांनीही हा विषय अत्यंत महत्त्वाचा असल्याचे सांगत सखोल चर्चा करून सरकारने ओबीसी समाजाच्या हिताचा निर्णय घ्यावा, असे मत व्यक्त केल्याचे सांगण्यात आले.
📢 निवेदनातील प्रमुख मागण्या
✅ शुक्रे समितीच्या आधारे दिलेले एसीबीसी आरक्षण रद्द करावे.
✅ जस्टीस शुक्रे, जस्टीस शिंदे व जस्टीस भोसले समित्यांच्या सर्व शिफारशी रद्द कराव्यात.
✅ “कुणबी मराठा – मराठा कुणबी” संबंधीचा 2004 चा शासन निर्णय रद्द करावा.
✅ हैदराबाद गॅझेटच्या आधारे दिली जाणारी प्रमाणपत्र प्रक्रिया थांबवावी.
✅ सन 1994 नंतर देण्यात आलेली कुणबी मराठा / मराठा कुणबी प्रमाणपत्रे रद्द करावीत.
✅ त्या प्रमाणपत्रांच्या आधारे मिळालेले नोकरी, शिक्षण प्रवेश, आरक्षण व शासकीय लाभ रद्द करावेत.
✅ मराठा समाजाला केंद्र सरकारच्या EWS आरक्षणातून लाभ द्यावा.
✅ ओबीसी समाजाची तात्काळ जातनिहाय जनगणना करावी.
✅ लोकसंख्येच्या प्रमाणात ओबीसींना आरक्षण व निधी द्यावा.
✅ ओबीसी महामंडळांना मोठ्या प्रमाणात निधी उपलब्ध करून द्यावा.
✅ खऱ्या मागास समाजाचे घटनात्मक आरक्षण व अधिकार अबाधित ठेवावेत.
⚡ शंकरराव लिंगे यांचा इशारा
अखिल भारतीय माळी महासंघाचे राष्ट्रीय अध्यक्ष सत्यशोधक शंकरराव लिंगे यांनी स्पष्ट शब्दांत म्हटले आहे की,
> “ओबीसींच्या ताटात घुसखोरी आम्ही कदापिही सहन करणार नाही. खऱ्या मागास समाजाच्या हक्कांवर डाका टाकण्याचा प्रयत्न झाल्यास राज्यभर तीव्र आणि निर्णायक लढा उभारला जाईल.”
त्यांनी सरकारने ओबीसी समाजाच्या भावना लक्षात घेऊन तातडीने निर्णय घ्यावा, अशी मागणी केली आहे
📰 दिनबंधू न्यूज | शिवक्रांती टीव्ही
संपादक : सत्यशोधक शंकरराव लिंगे
📞 संपर्क : 7387377801
👉 आपल्या व्हॉट्सअॅप ग्रुपमध्ये हा क्रमांक जोडा.
👍 बातमी लाईक करा
🔁 शेअर करा
📲 फॉरवर्ड करा
💬 कमेंट करा
📺 चॅनल सबस्क्राईब करा
🔔 बेल आयकॉन दाबायला विसरू नका
#OBC #OBCReservation #जातनिहायजनगणना #अखिलभारतीयमाळीमहासंघ #शंकररावलिंगे #DevendraFadnavis #ChandrashekharBawankule #ChhaganBhujbal #PankajaMunde #GaneshNaik #SanjayRathod #AtulSave #DattamamaBharane #GulabraoPatil #MarathaReservation #EWS #MaharashtraPolitics #DinbandhuNews #ShivkrantiTV #SocialJustice #OBCFight #MaliMahasangh #MaharashtraNews
