🔥 अंबडमधून पुन्हा ओबीसी एल्गारची गर्जना! अखिल भारतीय माळी महासंघाच्या अंबड तालुकाध्यक्षपदी संतोष भानुदास राऊत यांची निवड; महात्मा फुले विचार, जातनिहाय जनगणना आणि ओबीसी न्यायासाठी निर्णायक लढ्याची घोषणा!
🚨 दिनबंधू न्यूज | शिवक्रांती टीव्ह
🔥 अंबडमधून पुन्हा ओबीसी एल्गारची गर्जना! अखिल भारतीय माळी महासंघाच्या अंबड तालुकाध्यक्षपदी संतोष भानुदास राऊत यांची निवड; महात्मा फुले विचार, जातनिहाय जनगणना आणि ओबीसी न्यायासाठी निर्णायक लढ्याची घोषणा!
अंबड (जि. जालना) : ऐतिहासिक, धार्मिक आणि सामाजिक चळवळींचे केंद्र म्हणून ओळखल्या जाणाऱ्या अंबड तालुक्यात अखिल भारतीय माळी महासंघाच्या अंबड तालुकाध्यक्षपदी मा. संतोष भानुदास राऊत यांची निवड करण्यात आली. ही निवड मा. गणेश आसाराम हरकळ (जिल्हाध्यक्ष, जालना), मा. कार्तिक बेहेरे (मराठवाडा विभागीय अध्यक्ष), मा. अप्पासाहेब गोरे (महाराष्ट्र प्रदेश उपाध्यक्ष), मा. कारभारी जाधव (जिल्हाध्यक्ष, छत्रपती संभाजीनगर), मा. बबनराव घायाळ (जिल्हा उपाध्यक्ष, जालना), मा. श्रीहरी पांडुरंग मगर (भोकरदन तालुका अध्यक्ष) आणि मा. डॉ. रमेश सांडुजी मोठे (जाफराबाद तालुका अध्यक्ष) यांच्या आदेशानुसार करण्यात आली.
अंबड हे मच्छोदरी माता मंदिरामुळे प्रसिद्ध असलेले ऐतिहासिक गाव आहे. याच अंबड तालुक्यातून २०२३ मध्ये ओबीसी महाएल्गारची ऐतिहासिक हाक देण्यात आली होती. ओबीसी समाजावर होत असलेल्या अन्याय-अत्याचाराविरोधातील ती चळवळ महाराष्ट्रभर पोहोचली होती. आता त्याच भूमीत अखिल भारतीय माळी महासंघाचे संघटन अधिक बळकट करण्यासाठी संतोष राऊत यांच्या रूपाने सक्षम नेतृत्व लाभले आहे.
नवनियुक्त तालुकाध्यक्ष संतोष राऊत यांनी स्पष्ट शब्दांत सांगितले की, महात्मा ज्योतिराव फुले यांच्या २०० व्या जयंती गौरव वर्षानिमित्त समता, बंधुता, सामाजिक न्याय, शिक्षण आणि सत्यशोधक विचार प्रत्येक गावात, प्रत्येक घरात पोहोचविण्याचे अभियान राबविण्यात येईल. महात्मा फुले यांनी दिलेला समानतेचा संदेश समाजात रुजवून जातीय विषमता संपविण्यासाठी व्यापक जनजागृती केली जाईल.
त्यांनी पुढे जाहीर केले की ग्रामपंचायतीमार्फत “जातनिहाय जनगणना झालीच पाहिजे” या मागणीचे ठराव मंजूर करून ते केंद्र सरकार व राज्य सरकारकडे पाठविण्यात येतील. तसेच ओबीसी समाजाच्या प्रलंबित मागण्या, न्याय, हक्क आणि घटनात्मक अधिकारांसाठी प्रत्येक गावात जनजागृती मोहीम राबवून मोठ्या संख्येने कार्यकर्त्यांच्या उपस्थितीत तहसीलदारांमार्फत मुख्यमंत्री यांना निवेदने पाठविण्यात येतील.
ओबीसी समाजावर होणाऱ्या अन्याय-अत्याचाराविरोधात अंबड तालुक्यातून परखड आणि संघटित लढा उभारला जाईल. ओबीसींचे घटनात्मक हक्क, सामाजिक न्याय आणि आरक्षणाचे संरक्षण हीच संघटनेची सर्वोच्च बांधिलकी राहील. अखिल भारतीय माळी महासंघाचे विचार घराघरात पोहोचवून संघटना अधिक सक्षम करण्याचा निर्धार त्यांनी व्यक्त केला.
या निवडीबद्दल राष्ट्रीय अध्यक्ष मा. शंकरराव लिंगे, विश्वस्त तथा राष्ट्रीय कार्याध्यक्ष मा. रमेशभाऊ हिरळकार, राष्ट्रीय उपाध्यक्ष तथा विश्वस्त मा. विठ्ठलजी तोडकर, मा. गोविंदजी वैराळे, मा. विठ्ठलजी सातव, मा. दामोदर रामकृष्ण गाडगे, मा. प्रभाकरजी सातव, मा. भिमरावजी कोथिंबीरे, मा. अमर बोराटे, मा. सौ. वसुधा येनकर, मा. मनीषजी गिऱ्हे, मा. अभय तायडे, मा. सौ. ज्योती निरपासे, मा. विजय राजाभाऊ खरात, मा. जनाबापू मेहेत्रे, मा. डॉ. गजाननजी अजगर, मा. माधुकरजी घिरके, मा. राजेश द. मेहेत्रे, मा. केशवराव सोनुने, मा. शरदजी बनकर, मा. राजेंद्रकुमार पल्हाडे, मा. ओम गोरडे आणि मा. प्रा. दीपक नन्हई यांनी अभिनंदन करून पुढील वाटचालीसाठी शुभेच्छा दिल्या.
✍️ संपादकीय संदेश
अंबडने पुन्हा एकदा सामाजिक परिवर्तनाची मशाल हाती घेतली आहे. २०२३ च्या ओबीसी महाएल्गारची ठिणगी आता संघटनात्मक शक्तीत रूपांतरित होत आहे. महात्मा फुले यांचे समता, शिक्षण आणि सामाजिक न्यायाचे विचार प्रत्येक गावात पोहोचले तरच संविधानातील समानतेची मूल्ये खऱ्या अर्थाने साकार होतील. जातनिहाय जनगणना, ओबीसींचे घटनात्मक हक्क आणि सामाजिक न्यायासाठी लोकशाही मार्गाने व्यापक जनआंदोलन उभे राहणे ही काळाची गरज आहे.
— दिनबंधू न्यूज | शिवक्रांती टीव्ही
संपादक : सत्यशोधक शंकरराव लिंगे
📞 7387377801
📢 आवाहन
✅ आमच्या WhatsApp ग्रुपमध्ये सहभागी व्हा.
✅ दिनबंधू न्यूज WhatsApp Channel फॉलो करा.
✅ बातमी Like • Share • Subscribe • Forward • Comment करा.
✅ नवीन अपडेटसाठी 🔔 Bell Icon दाबायला विसरू नका.
#Hashtags
#दिनबंधून्यूज #शिवक्रांतीटीव्ही #अखिलभारतीयमाळीमहासंघ #संतोषराऊत #अंबड #जालना #महात्माफुले #सत्यशोधक #OBC #जातनिहायजनगणना #सामाजिकन्याय #संविधान #समता #बंधुता #ओबीसीएल्गार #महाराष्ट्र
