सकल माळी समाजाच्या वतीने कुलांगे व जाधव यांचा सत्कार .
समाज हिताच्या दृष्टीने उपक्रम राबविल्यास मोठ्या प्रमाणात समाज एकत्र येतो-बाळासाहेब बोराटे नगर-सकल माळी समाजाने नेहमीच उत्कृष्ट कार्य केलेल्या व्यक्तींचा योग्य तो सन्मान केला आहे.मूर्तिकार मधुकर कुलांगे यांचे कलाक्षेत्रात मोठे योगदान आहे.गेल्या 40 वर्षापासून त्यांनी कलाक्षेत्रात उत्कृष्ट कार्य केले आहे.तसेच फटाके असोसिएशनचे अध्यक्ष सुरेश जाधव यांनी सामाजिक कार्यात चांगला ठसा उमटवला आहे.सकल माळी समाजाने माळी वधू वर नोंदणी कार्यालय सुरू केल्यानंतर या उपक्रमाला समाजाचा चांगला प्रतिसाद मिळत आहे.
समाजातील ज्येष्ठ मंडळी निस्वार्थपणे पूर्ण वेळ देऊन माळी वधू वर कार्यालयात योगदान देत आहेत.आज जरी थोड्या प्रमाणात समाज दिसत असला तरी समाज हिताच्या दृष्टीने विविध उपक्रम राबविल्यास मोठ्या प्रमाणात समाज एकत्र येतो व पुढील काळात सकल माळी समाजाच्या कार्याचा वटवृक्ष झाल्याशिवाय राहणार नाही.असे प्रतिपादन माजी नगरसेवक बाळासाहेब बोराटे यांनी केले आहे. सकल माळी समाजाच्या वतीने उत्कृष्ट कार्याबद्दल व सामाजिक योगदानाबद्दल प्रसिद्ध मुर्तीकार मधुकर कुलांगे व फटाके असो.चे अध्यक्ष सुरेश जाधव यांचा विशेष सत्कार मा.नगरसेवक बोराटे व जेष्ठ सामाजिक कार्यकर्ते अर्जुन बोरुडे यांच्या हस्ते करण्यात आला.
याप्रसंगी सकल माळी समाज ट्रस्ट चे उपाध्यक्ष बाळासाहेब भुजबळ,सचिव राजेंद्र पडोळे,कोअर कमिटी सदस्य अनिल इवळे,अमोल भांबरकर,माळी वधुवर सुचक नोंदणी कार्यालयाचे उपाध्यक्ष भास्कर चौधरी,संजय ताजणे, लक्ष्मण शिंदे,राजाराम चिपाडे, निळकंठ विधाते,सुदाम बोरुडे, रमेश चिपाडे,रोहित पठारे,सुभाष गोंधळे, ज्ञानेश्वर धाडगे,चंद्रकांत हजारे, विशाल खळदकर आदींसह समाज बांधव मोठ्या संख्येने उपस्थित होते. कार्यक्रमाचे प्रास्ताविक बाळासाहेब भुजबळ यांनी केले. सूत्रसंचालन राजेंद्र पडोळे यांनी केले तर आभार अनिल इंगळे यांनी मानले
