सत्यशोधकांचे अंतरंग क्रमशः
75
घोडेकर लक्ष्मण साक्रोजी
लक्ष्मण साक्रोजी घोडेकर हे मुंबई सत्यशोधक शाखेचे खजीनदार (इ. स. १९१०) होते. इ. स. १९१० नंतर सत्यशोधक समाजाचे फिरते उपदेशक म्हणून त्यांनी कार्य केले. त्यांनी कोकण, पश्चिम महाराष्ट्रात अनेक सत्यशोधक समाजाच्या शाखा स्थापन केल्या. दरम्यान, ‘दीनबंधु’कार नारायणराव लोखंडे यांच्या मृत्यूनंतर मुंबई सत्यशोधक शाखेचे काम थंडावले होते. पुढे २ मार्च १९१० रोजी स्वामी मारुतीराव नवले यांच्या अध्यक्षतेखाली आणि महर्षी विठ्ठल रामजी शिंदे यांच्या उपस्थितीत मुंबई सत्यशोधक शाखेची स्थापना करण्यात आली. या नूतन कार्यकारिणीत लक्ष्मण घोडेकर हे खजीनदार म्हणून कार्यरत होते. या कालखंडात मुंबई शाखेने दहा विद्यार्थ्यांना विनामूल्य शिक्षण दिले.
सत्यशोधक समाज अधिवेशनास प्रारंभ होताच लक्ष्मणराव घोडेकर यांनी प्रस्तुत चळवळीत सक्रिय सहभाग नोंदविला. ते पुणे, नाशिक आणि सासवडच्या चौथ्या अधिवेशनाला उपस्थित होते. प्रस्तुत अधिवेशनात त्यांनी ठराव सत्रात सहभाग नोदविला आहे. २५ व २६ एप्रिल रोजी भरलेल्या सासवड येथील अधिवेशनात त्यांनी सावरगावच्या सत्यशोधक शाखेच्या रिपोर्टाचे वाचनही केले होते.
संदर्भ – १. सत्यशोधक समाज परिषद अ. भा. व कार्यवृत्तांत – संपादक
– प्राचार्य गजमल माळी
घोरपडे ए.के.
(१५ जून १९१५-२६ जुलै २००२)
सत्यशोधक ब्राह्मो समाजाचे कार्यकर्ते, पुढारी, विचारवंत, लेखक, फर्डे वक्ते एकनाथ केशवराव घोरपडे ऊर्फ बापूसाहेब घोरपडे यांचा जन्म सातारा जिल्ह्यातील कोरेगाव तालुक्यात असलेल्या ‘वर्धनगड’ या खेडेगावात १५ जून १९१५
रोजी एका सत्यशोधक परिवारात झाला. ए. के. घोरपडे यांचे वडील केशवराव घोरपडे हे कट्टर सत्यशोधक आणि ‘वर्धनगड’चे पोलीस पाटील होते. त्यांच्याकडे छोटेखानी सत्यशोधक ग्रंथ संग्रही होता. अंधश्रद्धा निर्मूलन आणि अस्पृश्यता निर्मूलन कार्यक्रमात ते आघाडीवर होते. त्यांच्या अंगावरून बैलगाडीचे चाक गेल्याने ते अंथरुणाला खिळून राहिले. याच अपघातात पुढे केशवराव घोरपडे यांचे इ. स. १९२९च्या सुमारास निधन झाले. सातारा शहरापासून पूर्वस आणि सातारा-पंढरपूर रस्त्यावर असणाऱ्या ऐतिहासिक
‘वर्धनगड’ गावी (स्वतःच्या) मराठी चौथीपर्यंत ए. के. घोरपडे यांचे शिक्षण झाले. पुढील शिक्षणासाठी ते कोरेगाव येथे गेले. मात्र, वडील अपघाताने अंथरुणाला खिळून असल्याने त्यांना १९२८ साली सातवीची परीक्षा देता आली नाही. पुढे सात वर्षांनी म्हणजे १९३५ साली सातवी पास झाले. (मुलकी परीक्षा.) लगेचच कर्मवीर भाऊराव पाटील यांनी रेंदाळ येथे शिक्षक म्हणून त्यांची नेमणूक केली. रेंदाळ गावी अस्पृश्यांच्या विहिरीचा गाळ काढून चिरेबंदी विहीर ए. के. घोरपडे यांनी बांधून देण्यास सहकार्य केले. पुढे ‘माहिमगड’ येथे त्यांची जिल्हा परिषदेच्या शाळेत शिक्षक म्हणून नेमणूक झाली. दरम्यान, महर्षी विठ्ठल रामजी शिंदे यांची पुतणी शुभादेवी यांच्या समवेत त्यांचा ‘ब्राह्मो समाज’ मते वाई येथे विवाह संपन्न झाला. इ.स. १९४७ ला बी. ए., ४९ ला बी. एड. आणि १९५२ साली ते एम. ए. (मराठी) झाले. शेवटी पुणे जिल्हा परिषदेच्या शिक्षण विभागातून शिक्षणाधिकारी म्हणून ते सेवानिवृत्त झाले. जिल्हा परिषदेच्या अंतर्गत शिक्षक म्हणून कार्यरत असताना शिक्षकांनी सत्यशोधक समाजाचे कार्य करू नये म्हणून जी. आर. काढला. ए. के. घोरपडे आणि त्यांच्या सहकाऱ्यांनी संबंधित जी. आर. अधिकाऱ्याला मागे घ्यावयास लावला. ए. के. घोरपडे यांनी सत्यशोधक मते अनेक विवाह लावले. सत्यशोधक समाजाचे एक भूतपूर्व अध्यक्ष अॅड. वसंतराव फाळके आणि वाई तालुक्यातील बोपेगाव येथील सत्यशोधक आनंदराव शिंदे यांचे इ. स. १९४७ साली सत्यशोधक मते विवाह संपन्न केले. सत्यशोधक क्रांतिसिंह नाना पाटील, कर्मवीर भाऊराव पाटील आदींचा त्यांना सहवास लाभला. सत्यशोधक समाजाच्या कार्यकर्त्यांनी ए. के. घोरपडे यांचा एकसष्टी गौरव इ. स. १९७६ साली साजरा केला. या एकसष्टीसाठी महाराष्ट्राचे मुख्यमंत्री
वसंतदादा पाटील आणि शरदचंद्र पवार आवर्जुन उपस्थित होते. ए. के. घोरपडे यांनी कसदार सत्यशोधक वाड्‌मयाची निमिर्तीही केली. ए. के.
🔴 ***शिवक्रांती टीव्ही
🌹💐💐💐 दिन बंधू न्यूज चैनल सबस्क्राईब करा लाईक करा बातमी व्हिडिओ शेअर करा फॉरवर्ड करा कॉमेंट करा आयकॉन बेल दाबा 💐💐💐💐
अन्याय अत्याचार भ्रष्टाचार बेकायदेशीर काम होत असेल तर त्याची बातमी, आपल्याकडील विशिष्ट बातम्या लेख काही गुनिजन गुणवंत यांची यशोगाथा, समाज उपयोगी मार्गदर्शन लेख नोकरी विषयक बातम्या वाढदिवस रौप्य महोत्सव, सुवर्ण महोत्सव, अमृत महोत्सव, उद्योगधंदयांचे उद्घाटन यशस्वी उद्योगाची माहिती तसेच जाहिराती. न घाबरता न लाजता आपले लिखाण फोटो व्हिडिओ पाठवा आपल्या बातम्या निर्भीडपणे प्रसिद्ध केल्या जातील
🙏🏼🙏🏼🙏🏼🙏🏼🙏🏼🙏🏼🙏🏼🙏🏼
संपादक सत्यशोधक शंकरराव लिंगे
७३८७ ३७७८ ०१ हा नंबर आपल्या व्हाट्सअप ग्रुप मध्ये ऍड करा 🙏🏼🙏🏼🙏🏼💐💐💐💐💐🔴🔴🔴 🔴
